IniciosociedadeBurela homenaxeará aos tripulantes do Reina del Carmen no 50 aniversario do...

Burela homenaxeará aos tripulantes do Reina del Carmen no 50 aniversario do barco museo

Cinco décadas despois da primeira marea da embarcación, o Concello organiza o sábado unha charla e unha xornada de portas abertas

Publicada o

- Advertisement -

O Concello de Burela celebrará o vindeiro sábado, 22 de setembro, o 50 aniversario do barco museo Reina del Carmen cunha charla, unha homenaxe aos tripulantes do boniteiro e aos guías da pinacoteca flotante e unha xornada de portas abertas.

ÚNICO EN ESPAÑA

O Reina del Carmen, único barco museo das súas características en España, saíu faenar por primeira vez hai cinco décadas. Así, o goberno local organizou unha conferencia que será na confraría de pescadores, desde as 12.00 horas. Na charla participarán Narciso González, ex tripulante da embarcación e un dos promotores da pinacoteca, o patrón maior burelés, Basilio Otero, e o concelleiro de turismo e o alcalde, Ramiro Fernández e Alfredo Llano.

RECOÑECEMENTO AOS GUÍAS

Os tripulantes do Reina del Carmen recibirán un agasallo e o goberno local agarda a presenza dun dos mariñeiros do primeiro grupo de persoas que se gañou a vida na embarcación. Tamén se lle fará entrega dun detalle aos guías do museo, en agradecemento á súa implicación na divulgación da cultura marítima do municipio.

ENTRADA DE BALDE

Finalmente, pola tarde haberá unha xornada de portas abertas con entrada gratuíta ao barco-museo para todo aquel que desexe coñecer “este referente turístico de Burela”, expón Fernández.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...